Lekuyi mbizo yomnyanya waqobe mnyaka enyangeni ka Khukhulamungu njengoba kuyinyanga yama siko kanye nama gugu nemvelaphi yes'khabo lomuntu lembizo le yimbizo eyenziwa mrhatjho iKwekwezi FM ngoku bambisana no Masipala iThembisile Hani, nonyaka nje imbizo yomnyanya lo beyibanjelwe e Showground KwaMhlanga, nge 26 ngoMgqibelo
Ihloso ekulu yembizo le kuletha abantu ndawonye bona bazoku gidinga inyanga yama gugu ngokuledlha kanye noku khangisa imisebenzi yabo kungaba misebenzi yobu rhwari namkha yoku gwala nokuphothela kanye noku thengisa ukudla kwesintu.
Ngokuya komphathi wezamarhwebo ngoku hlanganyela emrhatjhweni ikwekwezi FM kanye neLigwalagwala FM ngaphasi kwe SABC u Nkosinathi Ntuli uthi ihloso yembizo yomyanya lo kuhlumisa umnotho ngakwa ndebele kanye namaphethelo ngaphasi kwesiyingi se Nkangala.
"Imbizo le sihlose ukuhlumisa umnotho wekhethu kanye nokwakha ubudlelwano neminye imihlobo kungakho singathi yimbizo yamandebele kodwana sithi yimbizo yoku zikhakhazisa nges'khenu lokhu kufaka woke umuntu kanye nawo woke umhlobo, yeke kungakho woke umuntu ombona lapha namhlanje uvunule is'khabo, uzikhakhazisa nges'khabo."
UNtuli urage wathi lapha kunaba vumi abahlukileko besintu kanye nebo mvumo wokujida.
"Njengoba sazi bona abantu abatjha bathanda umvumo woku jida kunewe sintu, sibahleli silingile ukutswaka abavumi ukuze woke umuntu akghone ukuhlangela kamnandi ngoku khululeka, si no Ndzundza ne Nkali zebhosa, sino Lilow NTK, sino Lwa Ndlunkulu nomvumi, womvumo wekoro ye Hip Hop u Casper Nyovest ekumvumi othandwa khulu babantu abatjha. Yeke silinga ukuhlumisa umnotho noku thuthukisa uburhwari esinabo ngakwandebele.
Kazi noso dorobha we kamaspala we Thembisile u Lesetja Dikgale ubengomunye wentatanyiswa ebezikhambele imbizo yomnyanya lo. Nayeke uwubukile umnyanyalo wathi umthangala s'sekelo omuhle ekuhlumiseni umnotho.
"Leminyanya, ekwazi ukuhlumisa ummotho kamaspala wethu nges'khatjhana esincani begodu lokho uqakatheke khulu kithi singu masipala ngoba, ngiyo into esiyifunako le nesiyi hlongozako. Ekhayapha, sinamakhaya wokuledlha ahlukileko engiqabanga bona ayahlomula embizweni le, sine Mrhali Boutique Guest House, khona lakwaMhlanga, sine Da Village Villas nayo ikhona la, sine Da Rams ngeMabhoko, sibuye sibe nakwa Khuzi khona la ngakwaMhlanga ekuyindawo ehlwengekileko ethengisa ukudla kwesintu noku jwayele kileko. Yeke ngalokho zoke iindawezi ziyakwazi ukuhlomula ngaphasi kwembizo le kanye naba thengisa epateni nabo bayahlomula njengobo Thando Mahlangu abo gogo unoSinki nabanye abanengi, yeke kungiyo into esiyifunako leyo singu masipala sifuna ukubona umnotho udlondlobala ukhula ukuze kuvuleke amathuba womsebenzi.
Kazi nabantu abathengisa epateni bawuthabele umnyanya lo.
"Umnyanya lo udlala indima ekulu khulu emarhwebeni wethu kanye neempilweni zethu ngombana ukwazi ukusihlanganisa nabantu abanengi aba buya endaweni ezihlukileko, ngalokho ke sikwazi ukukhuluma irhwebo kanye sakhe nobudlelwano kungakho sizi khakhazisa ngawo. Nje mina ngiya gwala, begodu ngithabe khulu ukubona eyenye yegwaani zami ithengwe nguso saziwako ephasini mazombe osemvumeni we Hip Hop u Casper Nyovest lokho kukodwa ku khulu khulu ngombana lapho zobe akhamba khona bazo mbuza bona uyithethephi ingwani le beseke uyaba hlathululela bona uyithenge kimi lokho, kukodwa kungikhulisela irhwebo lami begodu kuveza nobu rhwari bami ebaleni. Yeke umnyanyalo utjho litho likhulu kimi nabalingani bami ngokomsebenzi ngomyanya lo sikwazi ukulala sibuthelele iinthoro ezibonakalako" kutjho uSorhwebo obuye abemtjhotjhozeli wesiNdebele, uThando Mahlangu.
Abantu babo nakale baku thabele khulu ukuba sembizweni yomnyanya omkhulu lo okwazi ukuhlanganisa imihlobo ehlikileko endaweni eyodwa bewu gidinge ngethabo lomoya munye wokuzwana
