Ukusulwa komsizi kusigaba soku gqina sekhambo lengoma njengoba sazi bona ingoma iyawela beseke igoduke.
Yeke ngesindebele lokha nakuzoku sulwa umsizi akuqalwa amalanga, kodwana kuqalwa inyezi ukuba yiqephe, ngengoba nalokha ingoma nayikhambako kuqalwa iqephe.
Ukusulwa komsizi akukhethiseli bona usulelwaphi kodwana kuneenzathu zoko bana kusulwe umsizi, lokha naku zoku sulwa umsizi amasokana amatjha nabe rhugi babo kanye nabo sobesi baya buthana babuthanele ngekosini lapho begade kuphume khona ingoma, namkha babuthanele ekhabo lesokana ebeliyikosana ngebundwini labeba hlome khona um'zabo, beseke bagude iinhloko ziphazime, phela ngokuya kwesintu ukuguda kuhlathulula bona uthoma ikhasi elitjha lepilo, yeke ukuguda kuhlathula ukusulwa komsizi nokuthoma ikhasi elitjha lepilo
Amasokana azokugudwa kuthi nabe rhugi babo bagude kanye nabo yise bagude ngombana nabo beba gade bakhambe nabentwana babatlhogomela yeke lokho kubenza batjhilafale babe nomsizi kungakho baguda nabo.
Lokhu kuhlathulula bona gadesi isokana selinga mangana, nentombalo, unina udadwabo namkha unakwakhe nangoba lelo sokana liwele sele lingakwalo.
Ngokwesintu isokana elinomsizi alihlangani nomuntu wengubo liyamzila ngombana lisese serherhweni lamakhosi yeke kufuzeke lihloniphe ikambiso yesiko.
Isazi seze sintu ubaba u Elmon Pondo Mahlikihla Mahlangu usihla thululela bona ukusulwa komsizi kuhlathulula bona isokana sele linga ragela phambili ngepilo likhululekile ngombana nakuyi nyongo kayise eliyithwele esandleni sesinqele kanye nomkhala zobe seliziwuhlubulile beseke ibandla liyatjhiswa
Yeke uMahlikihla ukhalima khulu izenzo ebezibona kala zisenzeka eenkundleni zoku thintana njengoba amasokana bekabonakala amangana nabentazana,
"Kumphambo nokungahloniphi isintu lokha isokana nalisanthwele umkhala limbethe nenyongo libonakala lihlangana nabantu bengubo, into leyo ilulaza isintu ilulaza isindebele yeke abantu kufuzeke bazikhalime begodu balise ukwenza isinto ezibutjhophori eziphambene nokulunga ngombana lezo ngezinye zezinto eziba valela itjhudu epilweni, lokha isokana nalifuna ukufoda nonina namkha nomuntu wengubo kufuzeke kube nomuntu obaphahla phakathi, kungaba mrhugi, ngiyise lesokana namkha msegwabo akukhethi kodwana lingahlangani nomuntu wengubo kufuzeke liphahlwe. Bese kuthi linga sula umsizi lithome lihlangane nabantu bengubo"
Undabezitha uZwelibanzi Mahlangu. Uyale amasokana angathe akhosele kuye bona abuyele esikolweni aberegako abuyele emisebenzini yabo ipilo iragele phambili
Kuthi kulaba abaseenkolweni, undabezitha ubawe abotitjhere bona basebenzisane nobukhosi ukuthi bakwazi ukukhalima amasokana amatjha bona angaletha ingoma ngeenkolweni nakungenzeka bona kube nama sokana enza into ephuma esandleni ephambene nokulunga lelo sokana kuyoku fuzeke lihlawuliswe.
Isintu sithi ingoma ayikhitjhela ilanga thizeni nakufuzeke iwele kodwana kucalwa iqephe lenyezi bona lijame njani beseke kubekwe ilanga ingoma iwele nalokha nakuzoku sulwa umsizi kuqalwa iqephe beseke kubekwe ilanga kusulwe umsizi, kusisintu leso, lo msizi osulwako namhlanje emalangeni alisumi nanne kumsizi wengoma yama Rhorha aMaphaswana yinyone mhlophe Ndabezitha.
Amasokana amatjha asula umsizi eKosini Kwa Mahlangu B'sehla
Ikosi u Zwelibanzi Mahlangu ne Rhorha I Phaswana uso July Mahlangu
