*Umlando womnyanya*
i Sitjheja Zakwethu Cultural Fair mnyanya oveleleko wesintu sama-Afrikha owenziwa qobe mnyaka, ozibophelele ekubulungeni, ekuthuthukiseni, nekugidingeni amasiko namagugu ahlukahlukeneko weSewula Afrika.
Umnyanya lo wasungulwa nguMbus'omuhle kaDlalisa kaBongwe ngonyaka we-2024, begodu usebenza njengendawo ehlanganisa imiphakathi, aborholi bendabuko, abavumi, abasebenzi bezamasiko, ilutjha, amarhwebo asakhasako, iminyango namaziko kaRhulumende, neenkomponi zezevakatjho kanye nangemvakatjhi, ukuze babumbane ekugidingeni ukunotha kobuntu nobuzwe bama-Afrikha.
i Sitjheja Zakwethu Cultural Fair itjengisa amasiko wendabuko wemvelo ngokusebenzisa umvumo, igido, iimbongo, ukudemba iinganekwane, ivunulo yesintu, ukudla kwesintu, ubukghwari bezandla, imiqaliso yamasiko, ukufundiswa ngamagugu kanye nokuthuthukiswa kwamarhwebo asakhasako.
Umnyanya lo ukhuthaza ukuzikhakhazisa ngemvelaphi, amasiko, ukuhlala ngokubumbana, ukwakha isitjhaba, kanye nokudluliselwa kwelwazi namagugu ukusuka esizukulwaneni ukuya kesinye.
Umbono
Kukuba ngomunye weminyanya ekhamba phambili eSewula Afrikha, owaziwa ezingeni leentjhaba-tjhaba ngokusabana namagugu, ukukhuthaza ukutjhejwa kwamasiko, ukuthuthukisa ilutjha kanye nokukhuthaza ukubumbana komphakathi ngokusebenzisa ikambiso yeqiniso yamasiko wama-Afrikha.
Umsebenzi
Kutjheja, ukubuthelela, nokuthuthukisa amasiko namagugu wama-Afrikha ngokwakha ivadla elivulekileko elifundisa, liqinise, lithabise begodu likhuthaze imiphakathi, ngesikhathi esifanako.
Eliletha amathuba womnotho kubavumi, abasebenzi bezamasiko, kezobukghwari bezandla naboSomarhwebo bendawo.
Ihloso
• Kubuthelela ndawonye nokuthuthukisa amasiko namagugu ahlukahlukeneko weSewula Afrikha.
• Kukhuthaza ilutjha bonyana lizikhakhazise ngobunjalo balo namasiko walo.
• Kusekela abavumi bomvumo wesintu nabasebenzi bezamasiko.
• Kukhuthaza ukutjhejwa kwamasiko esifundeni seLimpopo neSewula Afrikha yoke.
• Kukwakha amathuba wokurhweba endaweni, kanye newabatjheji bezobukghwari.
• Kuqinisa ukubambisana hlangana noRhulumende, amarhwebo, uburholi bendabuko nemiphakathi.
• Kukhuthaza ubunye nokuhloniphana hlangana namasiko ahlukahlukeneko weSewula Afrikha.
*Imininingwana Yomnyanya ka-2026*
✓ Umnyanya: 3rd Annual Sitjheja Zakwethu Cultural Fair
✓ Ilanga: ngoMgqibelo, 19 kuKhukhulamungu 2026
✓ Indawo: Nkandla Resort, Monsterlus, Limpopo
✓ Isikhathi: 11:00 bekube sebusuku
✓ Isihloko (Theme): "Kha Ri Tshine"
✓ Ivunulo: Yivunulo yesintu
*Okuveleleko Emnyanyeni*
• Midlalo, mvumo negido lesintu
• Iimbongo nokudemba iinganekwane
• Miqaliso yobukghwari bezandla
• Ukufundiswa ngamagugu namasiko
• Ubumnandi bomvumo bunqopha
• Miqaliso yamarhwebo wendawo
• Mnyanya olungele umndeni woke
• Amathuba wokwakha ubudlelwano hlangana nalabo abazibandakanyako
*Abahlosiweko*
• Imindeni namalunga womphakathi
• Aborholi bendabuko
• Iminyango namaziko kaRhulumende
• Iinkolo neenhlangano zefundo ephakemeko
• Iimvakatjhi nabathandi bamasiko
• Abalingani berhwebo nabasekeli
• Abavumi nabadlali
• Amarhwebo amancani asakhasako
• Iinhlangano zesintu, zamagugu nezokutjheja
*Amathuba wokubambisana*
ISitjheja Zakwethu Cultural Fair inikela amathuba wokubambisana kubasekeli abaphethe amarhwebo, iminyango namaziko kaRhulumende, abatjhotjhizeli betuthuko, ama-NGO kanye neenhlangano ezifuna/ezihlose ukutjala imali ekubutheleleni nekuvikeleni amasiko, ekuqiniseni ilutjha, ekuthuthukiseni zokutjheja kanye nokuphakamisa imiphakathi.
*Abalingani bazokuzuza*
• Ukubonakala kwegama labo ngendlela enabileko, enothileko, nehloniphekileko
• Amathuba wokusabalala nokwaziwa
• Ukusebenzisana bunqopha nomphakathi
• Umthelela weCorporate Social Investment (CSI)
• Ukuhlotjaniswa nokubabalelwa kwamagugu nokwakhiwa kwesitjhaba
*Ihlelwe yi:*
Mbus'omuhle Ngeensiza ezivela lapha akokoda khona.
"Sigidinga amagugu wethu. Sikhuthaza Isizukulu sakusasa."
