Njengoba kugidingwa inyanga yama gugu nje amakhosi weendawo ngoku hluka hluka nonyaka nje naka bamba iimbizo zaqobe mnyaka zoku gidinga inyanga le.
Nonyaka nje amakhosi athethe isiqundo soku hlela iimbizo zabo ngaphasi kwesi qubulo soku khalima izehlakalalo ezimasikizi ezihlahlathisela umzimba zoku bulawa kwabantu bengubo kanye nabe ntwana.
Lokhu kuza ngemva kwezehlakalo ezivele nge Ekurhuleni nge tlhagwini yange Johannesburg endaweni ye Kempton Park lapho kubikwe khona bona kuthola kele imiizimba yabantu bengubo babulewe.
Yeke amakhosi athi akakhambisani nezenzo ezifana nalezi zokubulala ngobu dlobongela nanges'hlungu bathi nanyana umuntu angakona kangangani akuka vumeleki bona umthathele umphefumulo.
Undabezitha uSipho Mahlangu ngaphasi kobukhosi bakwa Ndzundza, Sogutjhe nge Ogies nga phasi kuka mas'pala we Malahleni, uthenaka thula ikulumo yakhe yelanga emnyanyeni wokugidinga ilanga lama gugu nge 24 kiyo inyanga ephezulu le ka Khukhulamungu ngele Sine, ebewu banjelwe eMabande Sports Ground ekuli tatawu lemidlalo, Ukhalime bewehlaba kab'khali abantu abahlukumeza abantu bengubo kanye nabentwana.
"Ikinga yokubulala abantu bengubo kanye nabentwana akusiyikinga yes'funda thizeni kodwana kuyikinga yenarha mazombe kungakho namhlanje simakhasi, ngokuhluka kwethu sithathe isiqundo sokuthi sigidinge ilanga lama gugu ngokukhalima kanye noku vuselela isirhunzi nokubuyisa unembeza esitjhabeni. Simakhosi asikhambisani nobudlobongela obufana nalobu, yeke lobukubulwelwe ukufuzeke sibulaphe besibukhiphe kithi".
uMahlangu urage wathi sile kufike isikhathi sokobana amakhosi nawo asukume, arhelebhisane nebomthetho ekulwisaneni nekankere esile iqeda Ubuntu no nembeza ebantwini.
"Ezinye zeenzathu ezihlohlozela izeehlakalo ezifana nalezi, ziindakamizwa kanye nokuthanda imali yeke simakhosi sele kufike isikhathi sokuthi sisebenzisane nebomthetho ekulwisaneni nekankere le ehlasele inarha yethu yeke sele kufike la kufanele sihlome ijima loku lwisana neendakamizwa kanye, nabo gala jana abagalaja abantu begodu baba rhebele kizo iindakamizwa yeke lokho kukodwa kuhlohlozela unembeza wokulimaza kanye noku bulala, kungakho kufanele sibambisane nebomthetho ekulwisaneni nekankere esahleleko le".
uMahlangu uswaphelise ngakuthi akuna muntu ekufuzeke aphile ngokusaba enarheni yekuluko netjhaphuluko yeke ngalokho uyakhalima.
Iimbalo balo ziveza bona kusukela ngenyanga ka Sihlabantangana ukufikela enyangeni ka Mgwengweni sele bama khulu amahlanu namatjhumi asindathu kanye nethoba (569), abantu bengubo esele babulewe enarheni le kiwo umyana ophezulu lo.
Yeke ngalokho norhulumende uyakhalima phezukwe zehlakalo ezifana nalezi.
