Umgwalo namkha amagwalo ahlathulula ubukghwari bamandebele begodu amahle ahlathulula ubujamo bepilo, isikhathi, bethe kuthi amanye sengewoku rhabisa nje kwaphela bona kube kuhle.

 

Irhubhulu liveza bona kade amandebele abegade akwazi ukuhlathulula Abuja ubujamo bepilo namkha isikhathi, ngoku hlaziya imibala kanye nokugwala, njengokuthi umbala omhlophe, uhlathulula ukukhanya kanye nepumelelo, bese kuthi ohlaza ngasi bhakabhaka uhlathulula amanzi, kungakho nasi tjheja amagwalo amanengi, azele ngombala omhlophe ohlathulula ukukhanya.

 

Iye kuliqiniso omunye angadlumbana bona imibalale ayikhulumi, seyenzela bona kuqakaze kwaphela, irhubhululo liveza bona yoke imibala iyakhuluma begodu ineenhlathululo zayo. Okukhona kukuthi amatshwayo amanengi asetjenziswa emagwalweni ngiwo angakhulumiko sengewokwenza ubuhle khwaphela kodwana ingasi woke, sekufana namatshwayo we wemikhonto ahlathulula ipi, kuhluka kwaphela ngokuthi itshwayo lelo litholakala emgwalweni onjani.

 

Besekuthi amagwalo afana nala esiwazi ngabo Dr Esther Mahlangu, kumagwalo angahlathululi litho kodwana aveza ubuhle, nobukghwari bukandebele, njengama gwalo atholakala eKghodwana, kuma gwalo wobuhle begodu wokukhangisa isindebele njengoba u Dr Esther Mahlangu enza eminyakeni egadungileko wathengisa isindebele ephasini loke.

 

Lokhu siku khumbula khulu ngoku gwala kwakhe ikoloyi yakwa BMW, ekungiyo eyamthatha yambeka la akhona namhlanje hlangana nezinye iingorho zobukghwari besindebele. Kadesi sele babanengi abantu abazi philisa ngokugwala, ngibala uThando Mahlangu, uNqobile Masuku, uSkhumba La Masango, umma uNosinki kanye nabanye abanengi, lokhu kukukhombisa bona umuntu omunye nomunye angaphila ngobu kghwari bekhabo njengoba ingorho Dr Esther Mahlangu iphila ngabo ubukghwari nanamhlanje.

 

Amagwalo akwazinokubuthelela abantu ngokuhlukana kwabo, lokho kuginisekiswa kukuthi, kukwazi ukusuka iimbukeli zevakatjho zize enarheni yeSewula zizokubukela ubuhle bamagwalo esinawo enarheni, begodu ngamagwalo sikwazi ukuhlukanisa bona, lomhlobo webuRhole, namkha weMkobola namtjhana wamandzundza nofana aManala kungakho kuvela bona amagwalo ayakhuluma begodu ayahlathulula, ngamagwalo abantu bakwazi ukuzuza ilwazi elijulileko nelifaneleko.