Yoke iminyanya yesintu ihluka ngeengaba zayo nangemithetho yayo, lokhoke kuyi kambiso yesiko pilo nesintu.
Yeke lapha sicale umnyanya woku ngeniswa kuka baba, lokha nakuthiwa kungeniswa abobaba vane kuku lapho ubaba eza nabakhambisani bakhe ekufaka hlangana ipelesi yakhe, azoku ngena ngakwa ndodana. Ukuze azokwazi ukuthi nakuneminyanya ngakwa ndodana angakhapheleki ngaphandle kodwana akwazi ukuhlangela namanye amadoda ebandla agidinge nawo.
Yeke ubaba ungena ngembuzi ngakwa ndodana bese kuthi naye angeniswe ngembuzi ebuya kundodanakhe lapho angena khona.
Akupheleli lapho ngekwesintu kuthiwa ubaba uletha ingubo ekuyimbeleko ekungileyo umalukazana wakhe azoku khulisa ngayo abentwana bontwanakhe yeke ingubo leyo kusuke kube sikhumba sembuzi le angena ngayo.
Besekuthi abuye athiye umntwana igama lelo gama kuli gama lakhe alithiya isizukulwana sakhe njengoba angena ngakwa ndodana, lelo gama kuli gama azokuku qinisekisa bona alifi kodwana libamba umndeni ukuya esizi zukulwaneni ngesi zukulwane ukuze lelo qhegu lumuzi loyo linga phuphi namkha lifiphale ebaleni.
Umzekelo ngilo: ikosi yakwaManala Nala Makerana ngaphasi kobukhosi bakwa Manala u Moses SonkalanaII ithiyelelwe ngoyise khulu SonkalanaI bese kuthi yena mhlana ayoku ngena ngawa ndodanakhe ekuzobe kuli dzinyani lakhe ngaleso s'khathi njengo yise lendodana naka letha imbeleko kumalukazana, uyokuthiya umntwana ekusizukulwana sakhe ngoyise, uzobe anguyisemkhulu wesizukulwana sakhe uyomthiya athi Ngufunwako II. Lokho kuyokwenza bona igama likayise lingafiphali ngengoba naye benzile kuye bona likayisemkhulu Sonkalana lingafiphali kodwana baliphilise ngaye.
Akupheleli lapho ubaba ubuye avunulise indodanakhe iporiyana le ekungiyo ayibinako, leyo poriyana ngiyo indodana ezoyivunula lokha nayi neminyanya ngakhwakhe. Leyo poriyana iyahluka kunale elethwa mngani ngoba le elethwa mngani ngeyokudlala namkha ngeyesingani ngas'khathi uyithola irhabiswe nangemqamo iyihle, begodu ayinami bandela. Kodwana le ezano baba ayirhabiswa begodu kungiyo ejamele umuzi kungiyo elengiswa ebandla, kungiyo indodana iwowoda ngayo ngakwayo namkha ivuma ngayo amagenge nayineminyanya ngakwayo
Yeke kuyothi kusenjalo indodana iyamukela ubaba ngembuzi nayo njengetshwayo loku tjengisa bona ihliziyo imhlophe begodu namasango avulekile, lokhu kukodwa kutjhaphulula nomalukazana wekhaya bona angasa baleka usosokanakhe godwana akwazi ukuphilisana naye ngokukhululeka nangehlonipho,ngombana zobe bobabili wathweswe iinyongo zeembuzi ezobe zihlatjiwe ngetshwayo loku khombisa bona lomnyanya ubikiwe nebezimini. leso kusisintu begodu sinjalo
