Umlobokazi nasele abuya esimanjeni wembatha ibhidi (yingubo ayembeswa ekhakwakhe nakavuniliswako) kuthi alakanise nombhalo ngaphasi. Kuthi ngenzasi uvunule isithimba kanye neentjorholo nazo azivunuliswe ekhakwakhe.
Ukuhlathulula ivunulo yomlobokazi
1. Isithimba: sisambatho esenziwe ngesikhumba. Sibotjhwa edinini ngemva silenge sifike eenthumbeni. Sirutjelwe ngomcamo ugcine ngeenkhondo.
2. Iphotho: lesi sivunulo sangaphambili esikgatjiswe ngomcamo. Side sibetha ngenzasi kwamadolo. Wembatha nasele ahlutjuliswe iintjorholo azembeswe ekhakwakhe nasele ahlutjuliswa iincobotjhelo kuthi wembeswa iphotho nesthimba.
3. Idzila: Entanyeni umlobokazi ufaka idzila nofana iinzungwana. Angafaka godu nesirholwani sentanyeni esibizwa ngoGiqiza kodwana zingasithi idzila.
4. Iinrholwani: Emilenzeni ufaka idzila agcine ngeenrholwani ezimbili zifike phezu kwengogoriyana.
5. Umkhala: Lo mcamo othwalwa ehloko.
6. Ibhidi: Yingubo ebovu erutjelweko.
7. Umbhalo: Yingubo enamabhande amibalabala ahlanganisa imibala onsundu, osarulani, ohlaza sasibhakabhaka, obovu, kanye nohlaza satjani.
8. Umbhabhadhlelo/ umparo: Yingubo epothelwe ngomcamo. Uyembatha eminyanyeni.
9. Ugiqiza: Lesi sirholwani esikhulu esifakwa entanyeni sigedle khulu.
10. Isitjhingwana: Yintonga erutjelweko ephathwa ngumlobokazi akhombe ngayo nakagidako lokha nakuwiselweko nofana eminyanyeni wamasokana.
11. Izembe/ ubhoyibana: Yintonga erutjelweko ephathwa ngumlobokazi akhombe ngayo nakagidako. Uyiphatha eminyanyeni kodwana ingasi emnyanyeni wamasokana nofana nakuwiselweko.
11. Abonambaskhambe: Ziinyathelo ezingagwala nofana ziphothelwe.
