Kazi nonyaka nje, lomnyanya nge wokuthoma solo kwakhothama iKosi Undabezitha, uFunwako ll Mabena onguyise, lekosi ekhona le uNdabezitha u Moses Sonkalana ll Mabena.
Undabezitha Sonkalana uthe nakathula ikulumo yelanga, ubawe is'tjhaba, iinkosi kanye nama khosana bona, bamfukamele njengoba leli kuli khabho lakhe lokuthoma bengodu, kula atlhoga khona amayele nezeluleko khulu.
"S'tjhaba sika baba ngithokoza ukuphumelela kwenu ngobunengi kangaka, angeze ngaleya amala, iqiniso lihle ngithukiwe kodwana nginethemba bona ngizoyi bamba itjhisa ngombana sele ingakimi kadesi iNtonga yobukhosi le, yeke ngibawa bona ningifukamele, begodu ningi fundise koke ekufuzeke ngikwazi njenge Kosi esese mumuntu omutjha, ubaba wangitjhiya ngoku phazima kwelihlo kodwana okuhle kukuthi wangitjhiya ezandleni ezilungileko langiphephe khona.
Yeke ngibawa ningi fukamele, beningiyale kilo leli khambo lepilo nelobukhosi. Okunye engiku rabhela khulu kukuthi ningangi faki ngaphasi kwegandelelo kodwana ningifukamele ngaso soke is'khathi ngiyathokoza"
Undabezitha uSiphosezwe Mahlangu onguS'hlalo weNdlu yamaKhosi esiYingini seNkangala,naye ukuvezile bona uNdabezitha uMoses Sonkalana ll, usese mncani begodu kufuzeke afukamelwe ngaso soke is'khathi bekufikele la ajwayela khona.
"Simakhosi sigqugquzela ibumbano kanye noku bambana yeke kungakho silapha namhlanje, naphambili sasi lapha nasizoku phakamisa umntwane kosi oyiKosi namhlanje Sonkalana ll, yeke kungaphasi kwamandlethu bona simvikele, besikhulise Sonkalana ngoku bambisana nes'tjhaba ukuze akwazi ukubusa ngoku khululeka atjhaphulukile.
UNdabezitha, uMahlangu ungeze ngokuthi kuqakathekile bona iminyanya yamagugu igidingwe ngombana kula abantu bakwazi ukuveza khona imvelaphi yabo
"Kuqakatheke khulu bona sigidinge iminyanya yamagugu, ngombana kula abantu bakwazi ukuveza imvelaphi yabo, kanye nokukhombisa ibumbano, nangesithi uyatjheja namhlanje kuhlangene Ndzundza no Manala ngaphasi komthunzi munye
lokho kukodwa kukhombisa ukuzwana nokubambana ngaphasi kuka ndebele, okukhulu engithanda ukukuveza kukuthi kuqakathekekhulu bona siyikhambele iminyanya le ngombana kula sithola khona ithuba loku rhatjha ilizwi lokukhalima noku buyisana ngoba ngikhalima izenzo zoku ninana ngobuhlanga kanye noku hluku nyenzwa kwabantu bengubo kanye nabentwana, singakhohlwa nokuthi kuna bobaba abahlukunyezwako nakhona kilokho siya khalima ngombana akekho umuntu one lungele lukuhlukumeza omunye umuntu ephasinapha"
Nabavumi abasakhasako nabo babonakele bawuthabele umnyanya lo ngombana ubapha mathuba wokuziveza kanye nokuveza imisebenzi yabo
Umunye wabavumi abasakhasako u Kenny Mdawu we sqhema ngeziza noMdawu, lokha naka khuluma Ne Highveld Chronicle, uveze ukuthi eminyanyeni enjenga le kula bathola khona isekelo namathuba wokuzikhangisa.
"Esikhathini sanamhlanje kunzima khulu ukuzikhangisa nawumvumi osakhasako yeke ukuba yincenye yeminyanya efana nale kudlala indima ekulu khulu, kithi abavumi abasazakhela ibizo ngoba, sithola amathuba wokuzi veza nokuzi khangisa, ukuze nathi sifane nabo Sonkingana, naboWara, kanye nabanye abavumi abakhulu emkhakheni lo wekoro yomvumo wesintu, yeke kungakho iminyanya efana nale siyithathela phezulu ngoba iyasikhulisa begodu iyasi buthelela."
Abantu beba phelele babahle ngevunulo, begodu bazi khakhazisa ngemvelaphi yabo neskhabo, kwaMakerana.
